Lille e mposhti Romën me rezultat minimal 0-1 në kuadër të ndeshjes së dytë në Ligën e Evropës.

Arnar Haraldsson realizoi golin e vetëm në këtë sfidë në minutën e gjashtë, shkruan Arbresh.info.

Pjesa e parë përfundoi 0-1 për Lille, ndërsa pjesa e dytë ishte e mbushur me tension dhe mundësi për të dyja ekipet.

Momenti vendimtar erdhi në minutat 83 deri në 86 kur u akordua penallti për Romën.

Përgjegjësinë për ta goditur e mori Artem Dovbyk goditja e të cilit u ndal nga portieri i Lille, Berke Ozer. Për një parregullsi penalltia u ripërsërit, ukrainasit goditi sërish, por portieri priti sërish.

Gjyqtari kryesor vërejti sërish një parregullësi dhe sërish duhej të ripërsëritej 11-metërshi.

Kësaj radhe përgjegjësinë e mori Matias Soule. Por Berke Ozer i tha “jo” edhe futbollistit tjetër të Romës, duke e mbajtur portën e paprekur ku edhe i siguroi fitoren skuadrës së tij.

Pas dy xhirosh, Lille ka gjashtë pikë ndërsa Roma tri sosh./Arbresh.info